Fin helg på Borgarøya

Fin helg på Borgarøya!

Vi starta laurdagen med avgang ut til Borgarøya allereie klokka 10, og det var skikkeleg kjekt å sjå kor mange som hadde kome dagen før – av både ørstingar, voldingar og vikingar.

Vi fekk også besøk av «Rollo» frå Ålesund, som nettopp hadde kome heim etter fleire veker på reise, mellom anna til Shetland. I tillegg var det fleire andre som tok turen innom i løpet av dagen – og det gjorde helga ekstra sosial og kjekk! 💙

Så var det klart for vennskapsregattaen ⛵️ Det blei ein skikkeleg fin regatta, og vi må gratulere så masse til Anna Serine, som stakk av med førsteplassen! 🏆👏

Etterpå blei det jolesegling på vatnet, der både store og små – lokale og tilreisande – blei med. Veldig kjekt å sjå så mange ute på sjøen saman! 🌊

Til slutt samla vi oss rundt grillen, før det blei sosialt lag, spel og fyr i peisen inne 🔥❤️

Alt i alt ei veldig, veldig fin helg på Borgarøya. Vi er utruleg takknemlege for alle som tok turen, blei med på aktivitetane og bidrog til den gode stemninga.

Tusen takk for ei flott helg – vi gler oss allereie til neste gong! 💙⛵️