Jolleleir og sosialt seilertreff på Borgarøya

Jolleleir og sosialt seilertreff på Borgarøya

Ulstein Seilforening og Ørsta Seilforening inviterer til ei innhaldsrik og sosial helg på Borgarøya!Helga passar for både nye og erfarne seilarar. Vi samlar juniorar og vaksne til ei helg fylt med segling, leik, læring og godt samhald.

PROGRAM

Jolleleir for små og store juniorar med aktivitetar på sjøen gjennom helga.

Vennskapsregatta for større båtar – ein uformell regatta der det viktigaste er å ha det kjekt saman.

Teltleir for dei som ønskjer å overnatte på Borgarøya. Ta med eige telt og utstyr.

Felles måltid og sosialt samvær gjennom helga. Dersom vêret ikkje speler på lag, håpar vi å kunne nytte huset på Borgarøya som varmestove og base. Ulstein Seilforening stiller med joller og følgebåtar, og saman med Ørsta SeIlforening legg vi til rette for ei lærerik og kjekk helg på sjøen. Meir informasjon om program, påmelding og praktiske detaljar kjem fortløpande.

Vi håpar å sjå både nye og kjende fjes til ei flott seilhelg på Borgarøya!