H6 starta så fint,

med sol og lett bris frå nord på bane 1N. Litt ujamn vindstyrke, men alle kom seg greitt rundt Kyrkjefluda og nedover rundt Byholmane.  Tidtakar vurderte avkorting etter første runde, men då dei første båtane passerte med bra driv, let han det gå vidare. Vinden dreia også meir frå aust, og båtane som kom etter Excalibur og Fryd 4 kunne stå rett opp mot Kyrkjefluda. 

Det tragiske var at gapen på land trudde maksimaltida var 2130.  (Han kan å lese, men..)  I tillegg fekk siste del av feltet vinddreiinga mot seg, og dei måtte dermed krysse mot bøya for å passere til andre runde.  Og dette i veldig svak vind.  Der braut først Grid.  Drambouy braut til slutt ute ved Kyrkjefluda, og Volare kom seg nesten til Sandøya før dei også ga opp. Sigvaldson og Maija kom seg over mål, men litt etter kl. 2030.